۱۳۹۸/۰۱/۱۹  -   کد خبر: 37651
بلوچی نبشتهءَ؛ مھر ءِ شیرکنی
من لوٹاں کہ تئی وڑیں زانوگراں گیشتر زندگی بہ رسیت ءُ تئی زند ءِ یک ساھتے ھم پہ انسان ءَ سیت مند اِنت.
مھر ءِ شیرکنی

هاتف سیستان و بلوچستان- انسان ءِ شعوری پختگی ءِ گُڈی سیمسر ھمیش اِنت کہ آ چہ ھمک ذاتی، مذھبی، نسلی ءُ قومی گر ءُ بنداں سرگوز بہ کنت ءُ وت ءَ مھر ءِ ابدمانیں مارشتانی تھا زندگ بِداریت آ بس ھمے بہ ماریت کہ اے جھان ءِ کُلیں شر رنگیانی علامت انسان اِنت ءُ بس انسان، اگاں جھان ساپ کنگی اِنت، ڈولدار کنگی اِنت، پلگارگی اِنت، بس پہ انسان ءَ .

انسان ءِ سرا زُلم، راجانی حق جنی، مذھب ءِ نام ءِ سرا دومی مذھب ءِ منوگرانی کُشت ءُ کوش، قومی تعصب، راجانی غلام دارگ، پہ مھر ءِ لِذت ءَ سرخیلیں انسان ءَ، بنی آدم ءِ شعوری ناپختگی ءُ جھان ءِ بدرنگی ءِ علامت زانگ بیت، دگہ راستیں مھر ءَ چہ آشنائیں انسان مذھبی ءُ راجی ءُ چاگردی گر ءُ بنداں ھوار، زند ءُ مرگ ءِ قید ءَ چہ ھم آجو بیت.

پمیشا منصور پاھو ءَ سر بیت ءُ سقراط زھر وارت، اے سقراط ءِ مھر ءُ مرگ ءُ زند ءِ گر ءُ بنداں آجو بیئگ ءِ مستریں علامت اِنت کہ آ زھر جوڑ کنوکیں مرد ءَ گُشیت تو زھر ءِ جوڑ کنگ ءَ بلد نہ یے ءُ سک دیر بوئگ اِنت، مرد درائینت کہ من زھر ءِ جوڑ کنگ ءَ سک بلداں، من ھزاراں مردمانی مرگ ءِ ھاترا زھر چُپتگ ءُ جوڑ کُتگ، بلے من لوٹاں کہ تئی وڑیں زانوگراں گیشتر زندگی بہ رسیت ءُ تئی زند ءِ یک ساھتے ھم پہ انسان ءَ سیت مند اِنت، سقراط گُشیت، بزگ من چہ مرگ ءُ زند ءِ قید ءُ بند ءَ آجوآں.

امیر حسرو ءِ اے بند ھمے ابدمانیں مھر ءِ درنگازی ءَ کن اَنت کہ مھر چہ ھمک مذھبی ءُ لیکہی گر ءُ بند ءَ پاک اِنت۔

کافر عشقم ، مسلمانی مرا درکار نیست
ہر رگِ من تار گَشتہ ، حاجتِ زُنار نیست
ما و عشقِ یار اگر در قبلہ گر در بت کدہ
عاشقانِ دوست را با کفر و ایمان کار نیست

 

پیغمبر حضرت محمد (ص) طائفہ ءِ نزانتکاریں مردماں سنگ ریچ کُتگ، آئی ءِ چمپل چہ ھون ءَ پُر بیتگ اَنت، بلے آئی ءِ زبان ءَ بد دعا در نیاتکگ، ھمیش اِنت مھر.

 

انتهای پیام/37651

نظرات
دیدگاه های ارسال شده توسط شما، پس از تایید در وب سایت منتشر خواهد شد پیام هایی که حاوی تهمت یا افترا باشد منتشر نخواهد شد
ارسال دیدگاه

جدیدترین اخبار
محبوب ترین اخبار