هاتف سیستان و بلوچستان، منی زند ءِ اَرمان ءُ واھگ توئے منی گپ ءُ ٹال ءُ ترانگ توئے دوئیں روچ زند ءَ گُلیں چم ھمار منی پگر ءُ چم روک ءُ زانگ توئے تئی دوری ءَ دل منی زار زار منی زگر ءُ تسبیھ ءُ وانگ توئے ماں لنجین تیاب ءَ مناں بُک وراں چو […]
منی زند ءِ اَرمان ءُ واھگ توئے
منی گپ ءُ ٹال ءُ ترانگ توئے
دوئیں روچ زند ءَ گُلیں چم ھمار
منی پگر ءُ چم روک ءُ زانگ توئے
تئی دوری ءَ دل منی زار زار
منی زگر ءُ تسبیھ ءُ وانگ توئے
ماں لنجین تیاب ءَ مناں بُک وراں
چو استار ءُ ماہ ءَ نشانگ توئے
منی دل پہ تو بند ءُ کید اِنت مدام
منی شرّوکیں دُرّ ءِ دانگ توئے
/محمد مراد امیری