تاریخ : چهارشنبه, ۲۵ تیر , ۱۳۹۹ 25 ذو القعدة 1441 Wednesday, 15 July , 2020
0

اے تئی وتی نزوری انت

  • کد خبر : 136460
  • 15 خرداد 1399 - 11:21
  • کد خبرنگار :
اے تئی وتی نزوری انت
هاتف سیستان و بلوچستان- مم من رامگ کتگ انی منی لوگ ءِ دپ ءَ انت، نی وتی سوج ءَ بہ دے؟

یک جنینے شت ءُ دانائیں مردمے یے گور ءَ گوشت ئِے منی لوگ واجہ منی سر ءَ سک ترند اِنت مدام زهر گر ایت من ءَ هبر ءُ هال کنت، واجہ من چی بہ کن آں ؟ تو من ءَ هنچشیں سوجے بہ دے داں کہ منی لوگ واجہ نرم ءُ آرام بہ بیت ، منی هبراں گوش بہ دار ایت ، گوں من ءَ شر بہ بیت.

مرد ءَ درائینت ءُ گوشت ئِے: تو یک کارے بہ کن چرے گریشگ ءَ یک ممے ( خرس ) رامگ بہ کن ءُ وتی لوگ ءِ دپ ءَ بیار، گڑا رند ءَ من ترا هنچشیں سوجے دیاں کہ تئی لوگ واجہ گوں ترا سک نرم ءُ مهربان بیت.

گڑا جنین ءَ کمُکے ناه زورت ءُ شت همے گریشگ ءَ، یک جاهے رس ات دیست ئِے مم ءِ پَد انت همد ءَ یک گاڈے یے ءِ توک ءَ شتگ، گڑا زال ءَ همے ناه گاڈ ءِ دپ ءَ ایر کت ءُ وت کمُک دیر شت ءُ نشت، کمُکے وهدے ءَ رند دیست ئِے مم چہ گاڈ ءَ در آتک ءُ آتک ناه ئِے وارت.

اے دگہ روچ ءَ زال ءَ دگہ کمُکے ناه زورت پد ءَ شت هما جاگہ ءَ همے ناه ئِے کمُک دیرتر ایر کت، مم پد ءَ در آتک ءُ آتک ءُ ناه ئِے وارت، چیزے روچ ءَ زال ءَ همے وڑ ءَ کت ءُ دانکہ کم کم ءَ مم ئِے رامگ کت ءُ لوگ ءِ دپ ئِے آورت، رند ءَ مم هنچش رامگ ءُ ساز بوت کہ هر روچ آتک زال ءِ گور ءَ ناه ءِ وارت ءُ آپ ئِے وارت همد ءَ وپت ءُ آلیٹ ئِے جت، متلب شر رامگ بیت.

نی زال شت پانگ ءِ هما مردین ءَ ءُ گوشت ئِے مم من رامگ کتگ انی منی لوگ ءِ دپ ءَ انت، نی وتی سوج ءَ بہ دے؟

مرد ءَ درائینت ءُ گوشت ئِے: اے نادانیں جنین تو بلاهیں ممیں رسترے چہ گریشگ ءَ رامگ کت ءُ لوگ ءَ آورت، گڑا تو چتور وتی لوگ واجہ ءَ رامگ کت نہ کن ئے، آئی دل ءَ وتی نیمگ آورت نہ کن ئے.

لینک کوتاه : https://hatefsb.ir/?p=136460

ثبت دیدگاه

مجموع دیدگاهها : 1در انتظار بررسی : 0انتشار یافته : ۱
  1. باز وش شمے جهد ستا کرزانت

قوانین ارسال دیدگاه
  • دیدگاه های ارسال شده توسط شما، پس از تایید توسط تیم مدیریت در وب منتشر خواهد شد.
  • پیام هایی که حاوی تهمت یا افترا باشد منتشر نخواهد شد.
  • پیام هایی که به غیر از زبان فارسی یا غیر مرتبط باشد منتشر نخواهد شد.