به گزارش هاتف سیستان و بلوچستان، گوشنت کہ ھرکسءَ وتی درد گریوائینیت بلوچءَ بلوچی زبانءِ درد گریوائینیت، بلوچی زبان دنیگا لہتیں تہی اڑاں اڑِتگ اے اڑ چوشیں اڑ نہ اَنت کہ گیش ءُ گیوار مہ بنت، لہتیں اڑ تیکنیکی اڑ اَنت بزاں اگاں زبان ءِ زانتکار بہ نند اَنت اے اڑا ں گیشینت کننت.
راجے کہ بہ بیت گنگ نہ مان ایت نہ مان ایت
مــان ایــت پــہ ادارکــے بـــزاں زنـدگ ءَ مُــــردار
زبانے کہ منی جانءِ درچکءَ اُنڈال ئِے جت ءُ گوں آئیءَ من کَد کَشّ اِت، گوں ماتءِ مہرءِ بوءَ منی زھنءَ سر بوت ءُ من زانَگ بندات کُت، چہ ھما کودکیءَ من “آب” چہ لُنٹّاں دُزّ اِت ءُ گپ کَنَگ یات گِپت، من وتی سسّاءِ نزوریں جیڑگ آئیءِ دستانی تہءَ اِیْر کُت اَنت، دانکہ گامگیجاں مھکمتر چِست بہ کن آں.
کودکیں زھنءِ ھیال، آئیءِ گالانی بانزلاں بَسْت اَنت، داں انسانءِ زانتءِ آزمانءَ، وتی مکسد بال پَرمائینت، زبانے کہ گوں آئیءَ وتی جانءِ ابْرمءَ پجّارءِ جامگے پوش اِت ءُ وتی دود، آئیءِ لبزانی پُٹّءِ تہءَ چیْر دات داں چہ دَری دودےءَ ایمن بہ بہ آں. آئیءِ راجدپتری، پَژدر وتی سینگءِ بُکچہءَ انامت کت داں دگہ نسلےءَ سر کت.
بیست ءُ یک (۲۱) فروری بنگلادش ءِ راجدپتـرءِ هما روچ انت که تپاکیں راجانـی هوربنـــد ءِ وانینگی ءُ دود ءُ ربیدگی بهـر بزاں یونسکو ماں ۱۹۹۹ عیسایـی ءَ مـاتی زبان ءِ میان استمانی روچ نامینت.
تپاکیں راجانی هوربند ءِ یونسکو بنگلادش ءِ واهگ ءِ ردا ماں ۱۹۹۹ ءَ جار پرینت که ۲۱ فروری ماتی زبانانی میان استمانی روچ انت. ۲۱ فــروری پــه ایردستیں کــوم ءُ آهانــی ماتی زبانانی دیمـروی ءُ زنــدگ دارگ ءَ یک مـزنیں امیت ءُ سکینے انــت.
۲۱ پَروری(۲ اسپَند)چہ یونسکو ءِ نیمگ ءَ میان اُستمانی ماتی زبان ءِ روچ نامِینگ بوتگ، International Mother Language Day اے روچ ۱۹۹۹ ماں یونیسکو ءَ ماتی زبان ءِ روچ پہ ماتی زبانانی وشکامی ءَ ایر کنگ بوتگ ءُ ۲۰۰۸ میان اُستمانی تمامین ماتی زبانانی روچ نامِینگ بوت..
مـروچی سَـرجَـمیـں دُنیا زبانءِ روچءَ جَـژن گـرَگءَ اَنت، مروچی دُنیاءِ هَـمُک مُـلکانـی راج وَتی مـاتی زبـانءِ جَـژنءَ گِـرَگءَ اَنـت، مـروچـی هَـر کـَس وَتـی مـاتـی زبـانءَ پـربَـنـدَگءُ نـازیـنـگءَاَنـت مـاں اے جَـژنءِ مَـراگِـشءَ مـا هَـم چـو کـَـلـمـانـٹءَ نـشـتَـگ ءُ سَـیـل چـارَگءَایـں.
بَـرے گـوں وَتـی کـَـشءِ نـشـتَـگیـں اے مَـردُمءَ اردو گـَـپ کـَنَگءَایـں ءُ بَـرے گـوں کـَـشءِ نـشـتَـگـیـں آ مَـردُمءَ پـارسـی گـپ کـَنَـگءَایـں.
مـارا دَنـیـگـا ایـنـچـو مـاراِشـت نـیـسـت کـہ اے جَـژن مـئے زبـانءِ جَـژن اِنـت دَنـیـگـا مـارا هَـمـیـنـچـو سُـدّ نـیـسـت کـہ اے مـئے زبـانءِ هَـسـتـیءِ جَـژن اِنـت روچ گـوَستءُ شُـت اَنـت مـاه گـوَسـتءُ شُـت اَنـت سـال گـوَزَگءُ رَوَگءَاَنـت ءُ مـا هَـمُکّ سـالءِ سَـرا یَـک بَـرے مـاں اے مَـراگِـشءَ بَـهـر زوُرایـں رَنـدا اے گـپءَ شَـمـوش ایـں کـہ مـا وَتءَ مـاں گـوَسـتَـگیں سـالءِ مَـراگِـشءَ کـَول داتَـگ اَت کـہ مـا وَتـی زبـانءَ هبر بکن این.
انسان پہ زبان ءِ دربرگ ءَ باید اِنت دراجیں وھدے آ زُبان ءِ تہ ءَ بہ بیت، بزاں ھر راجے ءِ زُبان ءَ بازیں نزّیکے یے گوں آ راج ءِ ربیدگ ءَ ھست، راجانی نیام ءِ وڑوڑیں زبانانی بوگ ءِ یکے چہ سَوَباں آیانی نیام ءِ وڑوڑیں ربیدگانی بوگ اِنت ءُ ھر راجے کہ وتی زبان ءَ یل بہ دنت آئی ءِ ربیدگ بیگْواہ بیت ءُ لاچار اِنت وت ءَ گوں دگہ راجانی ربیدگ ءَ نزّیک بہ کنت.
زبان ءِ روچ مبارک بات شمارا
بیا در بَر بلوچی گالوارا
کَلم دست ءَ بہ گِر لِکّ وش ءُ دل کَش
وتی دود ءُ رِبیدگ پِگر ءُ جارءَ