شگام رگام نوکیں تام

هاتف سیستان و بلوچستان، یکے چہ بلوچانی جوانین ھئیل سِنچءُ ادب اِنت، سنچءُ ادب یا ھما نظمءُ ترتیب کوھنین بلوچانی دورءُ باریگءَ بیتگءُ چہ ھما اَھدءُ باریگاں داں مرچیگیں زمانگءَ اے جوانیں میراس ھنگیں اوبادگءَ سر بیتگ.
 
ھرگپے کہ بلوچءَ کتگ آگپ مزنیں کسہءُ داستانءِ آییءِ پشدرءَ گندگءَ بیت.
 
بازیں سرشاھیءُ نوک باھند اے گپءَ جوانیءُ شریءِ سرءَ پُوہءُ سرپد نہ بئے اَنت کہ “شگام رگام نوکیں تام “چیءَ گوش اَنت؟؟؟!!!!
 
 

 
ھرچنکہ زمانگءُ کھرین دور گوزایت دودءُ ربئیت ھم ٹگل وراَنتءُ دود واھنداں چہ وتی دوداں گِسرءُ دگہ راجانی دود ءُ ربئیتانی گپچلءَ کپ اَنت رندا آوانی زھگءُ پدریچ گُمانءَ کن اَنت اے رسم آوانی پتءُ پیریناں پَشت کپتگ ءُ آوان وتی ھکیں رسمءُ دودانی میراس بَروک اَنت.
 
“شگام رگام نوکیں تام ” لچہءِ سستگینءُ گاریں گالے نہ اِنت،بلکہ شگام رگام نوکین تام بلوچانی سجھیں سالءِ کسہءُ داستان اِنت.
 
ھامین بہ بیت، بانکلینک وارءُ کروُ وارءِ درگتءَ بہ بیت یا دگہ نیوگءُ سمرءِ اولی بروردءُ ترّ واری موسمءَ بہ بیت بلوچ وتی کشتءُ کشارانی اولی کٹءُ کارءَ گون شگام رگام نوکیں تامءِ گالءَ بنگینجءَ کنت.
 
شگام رگام تھنا وارتنءُ وتی چکءُ زھگانی لاپءِ سیر کنگ نہ اِنت، شگام رگام ءِ دود ھمدلیءُ ھمستکی ،نان دھیءُ دادءِ مزنین دودئے.
 
نوکیں سمرءَ مردم ءُ مھلوک پہ تامءِ چَشگءُ دپءِ تاموک کنگءَدرستاں شریدار اَنت ھاسکار آوان کہ مِلکءُ ڈگار نہ داراَنت یا کسانے کہ مساپرءُ رھگوز بیتگ اَنتءُ شپءِ درگتءَ مسیتءَ جاہءُ جلّ کتگ اَنت.
 
شگام رگامءِ نوکیں تام گوں ھیرءُ برکتءِ تامءَ بلوچانی ماھولءُ چاگردءَ رواج بیتگءُ انگتءَ ھم بلوچ کوھنیں رسمءِ زندگ داروک اَنت ءُ ھنّی کہ بانکلینک وارءِ موسم اِنت
شگام رگام نوکیں تامءِ گالرد بلوچانی دودءِ دپترءَ وانگءَ بیت.